ᔭᓯ ᐅᓈᖅ

ᖃᒪᓂ’ᑐᐊᖅ, ᓄᓇᕗᑦ

ᐱᖁᑎᓂᒃ ᓴᓇᔭᐅᓯᒪᔪᓂᒡᓗ ᐃᓚᓕᐅᑎᓪᓗᒍ ᑎᑎᕋᐅᔭᖅᓯᒪᔪᓂᒃ, ᓄᕕᖅᓴᖅᓯᒪᔪᓂᒃ, ᑭᓱᓕᐊᕆᓯᒪᔪᓂᒃ, ᓴᓇᙳᐊᒐᕐᓂᒃ ᐊᓐᓄᕌᓂᒡᓗ. ᔭᓯ ᐅᓈᖅ (1906-1985) ᓄᓇᓕᖕᓅᓚᐅᖅᐳᖅ ᑰᒃ ᖃᓂᒋᔮᓂᖔᖅᖢᓂ 1950-ᐅᑉ ᕿᑎᐸᓗᐊᓂ. ᐃᓕᓚᐅᖅᓯᒪᕗᖅ ᖃᓪᓗᓈᖅᑕᔭᒥᒃ ᐸᐃᑉᐹᒃᑯᓪᓗ ᑎᑎᕋᕆᐊᒃᓴᖅ ᐅᓄᖅᑐᓂᒡᓗ ᓄᕕᖅᓴᒐᓕᐅᕈᓘᔭᕈᓐᓇᖅᓯᓪᓗᓂ, ᑎᑎᕋᐅᔭᕐᓂᕐᒥᒡᓗ ᐊᒻᒪᓗ ᑎᑎᖅᑐᒐᕐᓂᕐᒥᒃ. ᐊᔾᔨᐅᖏᓐᓂᖓ ᐋᖅᑭᒃᓯᕈᓘᔭᖅᑎᓪᓗᒍ, ᑕᖅᓴᖏᓐᓂᒡᓗ ᐱᐅᕙᓵᖅᑎᑦᑎᕙᓚᐅᖅᐳᖅ ᐃᓄᐃᑦ ᒥᖅᓱᕐᓂᕆᕙᒃᑕᖓ ᐊᑐᖅᖢᓂᐅᒃ. 1975-ᒥᑦ ᓂᕈᐊᖅᑕᐅᓂᑰᕗᖅ ᐃᓚᒋᔭᐅᓂᕐᒧᑦ ᑲᓇᑕᒥ ᓴᓇᐅᒐᓕᕆᕕᖕᒧᑦ, ᐊᑦᑎᖅᑕᐅᓚᐅᖅᓯᒪᓪᓗᓂ ᐃᓚᒋᔭᐅᓂᕐᒧᑦ ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓯᒪᔪᓄᑦ 1984-ᒥ, ᔭᓯ ᐅᓈᖅ ᐃᓕᑉᐸᓪᓕᐊᖃᑕᐅᓚᐅᖅᐳᖅ ᐃᓄᐃᑦ ᓴᓇᕈᓘᔭᕈᓐᓇᖅᓯᑎᓪᓗᒋᑦ ᓄᓇᕐᔪᐊᒥᐅᓕᒫᓄᓪᓗ ᖃᐅᔨᒪᔭᐅᓕᖅᖢᓂ.

ᐃᒡᓗ ᐊᑦᑎᖅᑕᐅᓯᒪᕗᖅ ᔭᓯ ᐅᓈᖅᒥ ᐃᖅᑲᐅᒪᔭᐅᓪᓗᓂ ᓴᓇᕈᓘᔭᕈᓐᓇᕐᓂᖓᓄᑦ. ᔭᓯ ᐅᓈᖅ ᒪᑐᐃᖅᑕᐅᓚᐅᖅᓯᒪᕗᖅ 1992-ᒥᑦ ᖃᒪᓂ’ᑐᐊᕐᒥᑦ. ᐃᒡᓗᖁᑎᑦᑎᐊᕚᓗᐊ ᐃᖅᑲᓇᐃᔭᖅᑎᑦᑎᓲᖑᕗᖅ ᓄᓇᓕᖏᓐᓂ ᓴᓇᙳᐊᒐᖅᑎᖏᓐᓂ, ᓴᓇᕐᕈᑎᑐᖃᙳᐊᓕᐅᖅᐸᒃᑐᓂᒃ, ᒥᖅᓱᖅᑎᓂᒃ, ᐱᐅᓴᐅᑎᓕᐅᓲᓂᒃ ᑎᑎᖅᑐᒐᖅᑎᓂᒃ ᐊᓯᖏᓐᓂᒡᓗ ᐊᑐᖅᑐᐊᕈᓐᓇᖅᑐᓂᒃ ᓇᖕᒥᓂᖃᖅᑎᕋᓛᖑᓂᖅᓴᓄᑦ ᑎᒥᐅᔪᓄᓪᓗ. ᓴᓇᙳᐊᖅᑎᓪᓚᕇᑦ ᐊᔪᕈᓐᓃᓲᖑᕗᑦ ᑎᑎᕋᐅᔭᖅᓯᒪᔪᑦ ᐊᒥᐊᖅᓯᒪᔪᓪᓗ ᐊᓯᖏᓐᓅᖅᑕᐅᓪᓗᑎᒃ ᐱᓕᕆᔭᐅᓪᓗᑎᒡᓗ ᐅᓄᖏᑦᑐᓂᒡᓗ ᐊᒡᓚᙳᐊᖅᓯᒪᔪᓄᑦ ᑭᓯᐊᓂᓗ ᓂᐅᕕᒐᒃᓴᙳᖅᑎᑕᐅᓲᖑᕗᑦ ᐅᕕᓂᕈᐃᑦ ᐊᓯᖏᑦ ᐊᓐᓄᕌᑦ, ᐴᕆᔭᐅᔪᓐᓇᖅᑐᑦ, ᖁᖓᓯᕐᒥᓲᑦ ᐊᖑᑎᓄᑦ, ᖁᖓᓯᕈᐃᑦ ᐊᓐᓄᕌᓪᓗ ᐊᓯᖏᑦ. ᐱᓕᕆᑦᑎᐊᕈᒪᓂᖏᑦ ᐅᔾᔨᕈᑦᑕᐅᓂᖏᓪᓗ ᓇᓗᓇᖏᔾᔪᑕᐅᕗᖅ ᐃᓄᐃᑦ ᐱᖅᑯᓯᖓᑕ ᐋᖅᑭᒃᓯᒪᕙᓪᓕᐊᓂᖓ ᓴᓇᙳᐊᕈᓘᔭᕐᓂᕐᒥᒃ. ᐃᓚᒋᐊᕐᓗᒍ, ᔭᓯ ᐅᓈᖅ ᖃᓄᐃᑦᑐᕈᓘᔭᕐᓂᒃ ᓴᓇᔭᐅᓯᒪᔪᓂᒃ ᓄᓇᓕᖓᓐᓂᖔᖅᑐᓂᒃ ᐱᖃᓯᐅᑎᓪᓗᒋ ᓴᓇᙳᐊᒐᐃᑦ, ᑎᑎᖅᑐᒐᐃᑦ, ᐱᐅᓴᐅᑏᑦ, ᐊᓐᓄᕌᓪᓗ ᓄᕕᖅᓴᖅᑕᐅᓯᒪᕈᓘᔭᖅᑐᓪᓗ ᐱᑕᖃᖅᐳᑦ ᖃᒪᓂ’ᑐᐊᕐᒥᑦ. ᓂᐅᕕᐊᒃᓴᖅᑕᖃᐅᕆᕗᖅ ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᓇᖕᒥᓂᖃᖃᑎᖏᓐᓂ.

ᔭᓯ ᐅᓈᖅ ᖃᒪᓂ’ᑐᐊᑉ ᐃᓄᒋᐊᖕᓂᖅᓴᐅᔪᖃᕐᕕᖓᓃᑉᐳᖅ ᑐᔪᕐᒥᕕᖕᓄᑦ ᓂᐅᕕᕐᕕᓄᓪᓗ ᖃᓂᑦᑐᖅ. 9:00-ᒥ 5:00-ᒧᑦ ᒪᑐᐃᖓᓲᖅ ᐃᓄᒋᐊᒃᑐᓄᓪᓗ ᑕᑯᓇᒃᑕᐅᔭᖅᑐᕈᓐᓇᖅᐳᖅ ᐊᐱᕆᓯᒪᓗᑎᒃ ᐊᒻᒪᓗ ᐃᖅᑲᓇᐃᔭᕐᓇᐅᙱᑎᓪᓗᒍ.

ᔭᓯ ᐅᓈᒃᑯᓐᓂ ᑕᑯᔪᒪᕙᑦᑎᒋᑦ.

arts and crafts sat
ᖃᕋᓴᐅᔭᒃᑯᑦ ᑐᕌᕈᑖ: jessie_ndc@qiniq.com ᐅᖄᓚᐅᑖ: 867-793-2428 / ᓱᒃᑲᔪᒃᑯᑦ: 867-793-2429 PO Box 280 Baker Lake, NU X0C 0A0