ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓᑕ ᑮᓇᐅᔾᔭᒃᓴᓂᖓ

ᐱᕕᒡᔪᐊᕆᔭᕗᑦ ᑐᕌᒐᑦᑎᒍᑦ ᓄᓇᕗᒻᒥ ᐃᖅᑲᓇᐃᔮᒃᓴᑦ ᑮᓇᐅᔾᔭᒃᓴᓕᐊᖑᔪᓐᓇᖅᑐᓪᓗ. ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓ ᑮᓇᐅᔾᔭᒃᓴᓂᖓ ᓇᖕᒥᓂᖃᖅᑎᓄᑦ ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓ ᑮᓇᐅᔾᔭᒃᓴᑎᑦᑎᓇᓱᓲᖑᕗᑦ ᐱᔪᓐᓇᖅᑎᑕᐅᔪᓄ ᓄᓇᕗᒻᒥ ᓇᖕᒥᓂᖃᖅᑎᓄᑦ ᐃᖅᑲᓇᐃᔮᖃᖅᑎᑦᑎᔪᓐᓇᕐᓂᖏᓐᓄ ᑮᓇᐅᔾᔭᒃᓴᔪᓐᓇᕐᓂᖓᓄ ᓇᖕᒥᓂᖅᑖᖅᐸᓪᓕᐊᔪᓄ ᐅᕙᓘᓐᓃᑦ ᐊᖏᒡᓕᒋᐊᖅᐸᓪᓕᐊᖁᓪᓗᒋᑦ.

ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓᑦ ᓯᕗᓪᓕᐅᑎᑦᑎᖃᑦᑕᖅᐳᖅ ᑮᓇᐅᔾᔭᒃᓴᐅᔪᓐᓇᖅᑐᓂᒃ ᓄᓇᕗ ᓄᓇᓕᕋᓛᕆᓂᖅᓴᖏᓐᓂᒃ. ᑖᒃᑯᓄᖓᑑᖏᑦᑑᒐᓗᐊᖅ, ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓ ᐃᑲᔪᕐᓂᖅᓴᐅᓇᓱᓲᖑᕗᑦ ᑮᓇᐅᔾᔭᒃᓴᕋᓱᒃᑐᓂ ᓄᓇᕗᒥ ᓇᖕᒥᓂᖃᖅᑎᓄᑦ ᐊᐅᓚᑦᑎᔪᓂ ᐃᖃᓪᓕᐊᕐᓂᕐᒥ, ᐳᓚᕋᑦᑐᓕᕆᓂᕐᒥ ᐱᖅᑯᓯᓕᕆᔪᓂᒡᓗ. ᑲᑎᒪᔩᑦ ᖃᓄᖅᑑᓲᖑᕗᑦ ᑮᓇᐅᔭᓕᕆᑎᓪᓗᒋᑦ. ᑐᒃᓯᕋᖅᑏᑦ ᖃᐅᔨᖅᑳᕆᐊᖃᖅᐳᑦ ᓄᓇᕗᑦ ᐱᕙᓪᓕᐊᔪᓕᕆᔨᒃᑯᖏᑕ ᑯᐊᐳᕇᓴᓐᖓᓂᒃ ᐊᔪᖅᑎᑕᐅᖏᒃᑲᓗᐊᕐᒪᖔᑕ. ᐊᔪᖅᑎᑕᐅᔾᔮᖅᑯᔨᖏᒃᑲᓗᐊᕈᕕᑦ ᑮᓇᐅᔭᑦ ᑐᒃᓯᕋᖅᑕᑎᑦ ᑲᔪᓯᑎᑕᐅᙱᑐᐃᓐᓇᕆᐊᖃᖅᑐᑦ.

ᒪᓕᒋᐊᓕᓪᓗᐊᑕᐃᑦ ᐊᔪᖅᑎᑕᐅᖏᑦᑐᑦ:

ᓂᐅᕐᕈᑎᒐᒃᓴᐅᒐᔭᖅᑐᑦ – ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓ ᓄᓇᕗᒻᒥ ᓇᖕᒥᓂᖃᖅᑎᓂᒃ ᑮᓇᐅᔭᓕᐅᕈᑎᖃᖅᐳᑦ ᓂᐅᕐᕈᑎᒐᒃᓴᖃᕈᓐᓇᑦᑎᐊᕐᓂᖏᓐᓄᑦ.
ᐃᖅᑲᓇᐃᔮᒃᓴᑦ ᑮᓇᐅᔾᔭᒍᑕᐅᔪᓐᓇᑐᐃᓐᓇᕆᐊᖃ- ᖅᑐᓪᓗ – ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓ ᓄᓇᕗᒻᒥ ᓇᖕᒥᓂᕆᔭᐅᔪᓂᒃ ᑮᓇᐅᔭᓕᐅᕈᑎᖃᕐᓂᐊᖅᐳᑦ ᐃᖅᑲᓇᐃᔮᒃᓴᖃᑦᑎᐊᓲᖑᒍᑎᒃ ᑮᓇᐅᔭᓕᐅᕈᑕᐅᔪᓐᓇᑦᑎᐊᕈᑎᒡᓗ.
ᓄᓇᓕᕋᓛᖑᓂᖅᓴᓂᒃ ᓯᕗᓪᓕᐅᑎᑦᑎᓂᖅ – ᓄᓇᕗᑦ ᐱᕙᓪᓕᐊᔪᓕᕆᔨᒃᑯᖏᑕ ᑯᐊᐳᕇᓴᓐᖓ ᓄᓇᕘ ᓄᓇᓕᕋᓛᕆᓂᖅᓴᖏᓐᓂᒃ ᓇᖕᒥᓂᖃᖅᑎᐅᔪᓂᒃ ᓯᕗᓪᓕᐅᑎᑦᑎᓲᖑᕗᑦ ᑐᒃᓯᕋᐅᑎᖏᓐᓂᒃ ᑮᓇᐅᔾᔭᒃᓴᕈᒪᑎᓪᓗᒋᑦ.
$75,000-ᖑᕗᖅ ᐊᑭᑭᓐᓂᖅᐹᖅ ᑮᓇᐅᔭᓕᐅᕈᑕᐅᔪᓐᓇᖅᑐᑦ– ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓᑕ ᑮᓇᐅᔾᔭᒃᓴᓂᖓᑕ ᐊᑭᑭᓐᓂᖅᐹᕆᔪᓐᓇᖅᑕᖓ ᓄᓇᕗᒻᒥ ᓇᖕᒥᓂᖃᖅᑎᓄᑦ $75,000-ᖑᕗᖅ; ᑮᓇᐅᔭᖅᑖᕆᔭᐅᔪᑦ ᐅᑎᖅᑎᑦᑐᓇᖅᐸᖏᑦ ᑮᓇᐅᔭᓕᐅᖅᑑᑉ.
ᐊᒥᐊᒃᑯᖃᕐᓗᓂ – ᑮᓇᐅᔾᔭᒃᓴᕋᓱᐊᕐᓂᖅ– ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓ ᑮᓇᐅᔾᔭᒃᓴᔭᖏᑦ ᐊᒥᐊᒃᑯᖃᕋᓱᒃᖢᑎᒃ. (ᓲᕐᓗ ᑲᑐᔾᔨᖃᑎᒌᓄᑦ).
ᑮᓇᐅᔾᔭᒃᓴᖃᑎᖃᕐᓂᖅ – ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓ ᑮᓇᐅᔾᔭᒃᓴᖃᑦᑕᖅᐳᑦ ᓇᖕᒥᓂᖃᖅᑎᐅᔪᓂᒃ ᑮᓇᐅᔾᔭᒃᓴᖃᑎᖃᕐᓂᐊᕈᑎᒃ ᓇᖕᒥᓂᖃᖅᑎᐅᖃᑕᐅᒍᑎᒃ.
ᓇᖕᒥᓂᖃᖅᑑᔪᓂ ᑲᒪᓂᖅᓴᐅᓂᖅ– ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓ ᑮᓇᐅᔾᔭᒃᓴᕋᓱᖃᑦᑕᖅᐳᑦ ᓇᖕᒥᓂᖃᖅᑎᓂ ᐊᐅᓚᑦᑎᔪᓂ ᓄᓇᕗᒻᒥ ᐃᖃᓪᓕᐊᖅᑎᓂ, ᐳᓚᕋᑎᑦᑎᕙᒃᑐᓂᒃ ᐱᖅᑯᓯᓕᕆᔪᓂᒡᓗ.

ᑭᓲᕙ ᐊᒥᐊᒃᑯᓂ ᑮᓇᐅᔭᓕᕆᓂᖅ?

ᑕᑯᓇᒃᑕᐅᓚᐅᖅᑎᓪᓗᒋᑦ ᑮᓇᐅᔭᓕᕆᓂᕐᒧᑦ ᑐᒃᓯᕋᐅᑏᑦ ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᖓ ᓄᓇᕗᒻᒥ ᓇᖕᒥᓂᖃᖅᑎᓄᑦ ᐊᒥᐊᒃᑯᓂᒃ ᑮᓇᐅᔭᓕᐅᓂᖃᑐᐃᓐᓇᕆᐊᖃᖅᑐᖅ. ᑕᐅᖅᓰᖃᑎᖃᕐᓗᑎᒃ, ᓇᖕᒥᓂᕆᔭᐅᔪᖅ (ᑮᓇᐅᔾᔭᒃᓴᖅᑎ) ᐊᖏᖃᑎᖃᖅᐳᖅ ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᓐᑯᓐᓄ ᓇᖕᒥᓂᖃᖃᑕᐅᔪᓐᓇᕐᓗᑎᒃ.

ᓇᖕᒥᓂᖃᖃᑕᐅᓂᕐᒧᑦ ᓇᓗᓇᐃᒃᑯᑕᐃᑦ (ᐊᓯᖓᓐᓂᒡᓘᓐᓃᑦ ᐊᖏᖃᑕᐅᔾᔪᑎᒥᒃ ᓄᓇᕗᑦ ᐱᕙᓪᓕᐊᔪᓕᕆᔨᒃᑯᓐᓂᙶᖅᑐᒥᒃ ᑮᓇᐅᔾᔭᒃᓴᔪᒥᒡᓗ) ᓴᖅᑭᑕᐅᓗᓂ, ᑮᓇᐅᔾᔭᕐᓴᓂᖓ ᑎᑎᕋᖅᓯᒪᓗᓂ ᖃᓄᑎᒋᓗ ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᓂᐅᕕᖅᓯᒪᖕᒪᖔᑕ ᓇᖕᒥᓂᖃᖅᑎᒥ. ᑮᓇᐅᔾᔭᒃᓴᕐᓂᐅᔪᖅ ᑎᑎᕋᖅᑕᐅᓯᒪᕗᖅ ᓇᖕᒥᓂᖃᖅᑎᐅᔪᓕᒫᓄᑦ ᐊᖏᕈᑎᒥᒃ ᐊᑎᓕᐅᖅᑕᐅᓯᒪᓪᓗᓂᓗ ᓇᖕᒥᓂᖃᖅᑎᓂᒃ. ᓇᖕᒥᓂᖃᖅᑎᐅᔪᓄᑦ ᐊᖏᕈᑎ ᐅᖃᐅᓯᓕᒃ ᑮᓇᐅᔭᓕᐅᖅᑎᐅᑉ ᖃᓄᐃᓕᐅᕆᐊᖃᖅᑕᖏᑦ ᐱᓕᕆᒋᐊᖃᖅᑕᖏᓪᓗ ᓇᖕᒥᓂᖃᖅᑎᐅᖃᑕᐅᔪᑦ ᑲᒻᐸᓂᖓᓄᑦ.

ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑮᓇᐅᔾᔭᒃᓴᓂᖓ ᐊᑑᑎᖃᑦᑎᐊᖅᐳᖅ ᑮᓇᐅᔾᔭᒃᓴᓂᖅᓴᓄᑦ ᓇᖕᒥᓂᓕᖕᓄ.

ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑮᓇᐅᔾᔭᕋᓱᒃᑐᓂ ᐱᓕᕆᖃᑎᖃᓲᖑᕗᑦ ᑮᓇᐅᔭᓕᕆᓂᐊᖅᑕᖏᓐᓂᒃ ᐊᐅᓚᑦᑎᑦᑎᐊᖁᔨᓂᑯᒧᑦ ᓇᖕᒥᓂᖃᖅᑎᒧᑦ. ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᐃᓚᒋᔭᐅᔪᖁᑎᖏᑦ ᐊᑐᖅᑕᐅᔪᓐᓇᖅᐳᑦ ᖃᖓᓕᒫᒃᑯᑦ ᐲᖅᓯᕕᐅᖏᓪᓗᓂ ᑮᓇᐅᔾᔭᒃᓴᖅᑐᖅ.

ᑮᓇᐅᔾᔭᒃᓴᐅᑏᑦ ᐱᔭᐅᑦᑕᐃᓕᒪᔾᔪᑎᖃᒐᔪᖏᒻᒪᑕ, ᒪᓕᒐᒃᑯᑦ ᐱᓕᕆᒋᐊᖃᕈᑕᐅᓪᓗᑎᒃ ᑮᓇᐅᔾᔭᒃᓴᕋᓱᒃᑐᒧᑦ ᓇᖕᒥᓂᖃᖅᑎᐅᔪᓄᑦ ᒪᓕᒡᓗᒍ ᐅᖃᐅᓯᐅᓯᒪᔪᖅ ᓇᖕᒥᓂᖃᖅᑎᐅᔪᓕᒫᓄᑦ ᐊᖏᕈᑎᒥᒃ.

ᓄᓇᕗᑦ ᐱᕙᓪᓕᐊᔪᓕᕆᔨᒃᑯᑦ ᑮᓇᐅᔭᓕᕆᓂᖓ ᐱᕕᒡᔪᐊᖑᕗᖅ ᑮᓇᐅᔭᓕᕆᔪᓄᑦ ᐊᑐᖅᑕᐅᔪᓐᓇᖅᑐᖅ ᐃᑲᔫᑎᐅᔪᓐᓇᕐᓂᖓᓄᑦ ᐊᓯᖏᓐᓂ ᑮᓇᐅᔾᔭᖕᓂᖅᐹᖑᕙᒃᑐᓂ ᓄᓇᕗ ᓇᖕᒥᓂᖃᖅᑎᖏᓐᓂ ᐊᖏᒡᓕᒋᐊᕈᒪᕙᒃᑎᓪᓗᒋᑦ ᐅᓄᖅᓯᓗᑎᒡᓗ, ᐱᖃᓯᐅᑎᓗᒋᑦ ᓇᖕᒥᓂᙳᕋᑖᖅᑐᑦ.

ᑐᒃᓯᕋᐅᑎ ᑮᓇᐅᔭᓕᕆᓂᕐᒧᑦ (ᖃᓪᓗᓈᑎᑐᑦ)(.doc)(.pdf )
ᑐᒃᓯᕋᐅᑎ ᑮᓇᐅᔭᓕᕆᓂᕐᒧᑦ (ᐃᓄᒃᑎᑐᑦ)(.doc)(.pdf)

Due Diligence Check List (English)(.doc)(.pdf)
Due Diligence Check List (Inuktitut)(.doc)(.pdf)