ᐃᒻᒥᓅᖓᔪᒧᑦ ᐅᖃᐅᓯᖅᑕᕆᔭᐅᔪᖅ

ᓄᓇᕗᒻᒥ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ

ᐃᒻᒥᓅᖓᔪᒧᑦ ᐅᖃᐅᓯᖅᑕᕆᔭᐅᔪᖅ

1. ᓇᓗᓇᐃᔭᐃᓂᖅ

ᑲᒻᒪᒋᔭᐅᓂᖏᑦ ᐃᒻᒥᓅᖓᔪᑦ ᑐᓴᕋᑦᓴᐃᑦ ᒐᕙᒪᒃᑯᖏᑦᑕ ᓄᓇᕗᑦ ᑎᒥᖁᑎᖏᓐᓄᑦ, ᐱᖃᓯᐅᑎᑦᓱᑎᒃ ᓄᓇᕗᒻᒥ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ (“NDC”), ᐊᐅᓚᑕᐅᔪᑦ ᐊᑐᐃᓐᓇᖃᕐᓂᕐᒧᑦ ᑐᓴᕋᑦᓴᓂᒃ ᐊᒻᒪᓗ ᓴᐳᔾᔭᐅᓂᖏᓐᓄᑦ ᐃᒻᒥᓅᖓᔪᑦ ᒪᓕᒐᖅᔪᐊᖅ (ᑲᓱᕐᕕᖓ) (“ATTIPPA”) ATIPPA ᐊᑐᐃᓐᓇᐅᑎᑦᓯᓲᑦ ᐃᓄᓐᓄᑦ ᑐᑦᓯᕋᖅᑐᓄᑦ ᒐᕙᒪᒃᑯᑦ ᑎᒥᖁᑎᖓᓐᓄᑦ ᐱᔪᓐᓇᐅᑎᒥᓂᒃ ᐊᑐᕈᒪᑦᓱᑎᒃ ᑎᑎᕋᖅᑕᐅᓯᒪᔪᓄᑦ ᐸᐸᑕᐅᔪᓄᑦ ᐊᐅᓚᑕᖏᓐᓄᓘᓐᓃᑦ. ᑭᓯᐊᓂᓕ, ᐃᒻᒥᓅᖓᔪᓄᑦ ᑐᓴᕋᑦᓴᐃᑦ ᐃᓄᐃᑦ ᒥᑦᓴᐃᓐᓄᑦ ᐊᓯᖏᓐᓄᑦ ᑐᑦᓯᕋᖅᑑᑉ ᐃᓚᒋᔭᐅᑎᑕᐅᒐᔪᐃᑦᑐᖅ ᑖᑦᓱᒧᖓ ᐱᔪᓐᓇᐅᑎᒧᑦ ᖃᐅᔨᒃᑲᐃᓂᖅ ᐅᓚᕕᓐᓂᐅᒐᔭᖅᑎᓪᓗᒍ ᐃᒻᒥᓅᖓᔪᓂᒃ.

ᑐᑭᓯᒋᐊᒃᑲᓐᓂᕈᒪᒍᕕᑦ ATIPPA−ᑯᑦ ᒥᑦᓵᓐᓄᑦ ᑐᑦᓯᕋᐅᑎᐅᓪᓗ, ᑐᑭᓯᒋᐊᕈᓐᓇᖅᑐᑦ ᐃᑭᐊᖅᑭᕕᖓᓐᓄᑦ ᒪᓕᒐᕐᔪᐊᓕᕆᔨᒃᑯᓐᓄᑦ ᒪᓕᒐᓕᕆᔨᒃᑯᑦ ᒥᓂᔅᑕᐅᕕᖓᓐᓂ ᒐᕙᒪᒃᑯᖏᓐᓂ ᓄᓇᕗᑦ ᐅᕝᕙᓗ ᐃᑭᐊᖅᑭᕕᖓᓐᓄᑦ ᑐᓴᕋᑦᓴᓅᖓᔪᓄᑦ ᐃᒻᒥᓅᖓᔪᓄᓪᓗ ᑲᒥᓯᓇᖓᓄᑦ ᓄᓇᕗᑦ..

NDC−ᑯᑦ ᑎᓕᔭᐅᓯᒪᔪᑦ ᓴᖅᑮᖁᔭᐅᑦᓱᑎᒃ ᐃᖅᑲᓇᐃᔮᑦᓴᓂᒃ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᑦᓴᓂᒃ ᓄᓇᓕᓕᖏᓐᓄᑦ ᓄᓇᕗᑦ, ᐱᓗᐊᖅᑐᒥᒃ ᑕᐃᒃᑯᐊ ᓄᓇᓕᓪᓚᑑᓂᖅᓴᓃᑦᑐᑦ; ᐊᐅᓚᔾᔭᒋᐊᕐᓗᒍ ᐱᕈᖅᐸᓪᓕᐊᓂᖏᑦ ᐊᒻᒪᓗ ᐱᕙᓪᓕᐊᓂᖏᑦ ᓄᓇᓕᓐᓂ ᐱᓇᓱᐊᕐᕕᒋᔭᐅᔪᑦ ᓇᒻᒥᓂᕆᔭᐅᑦᓱᑎᒃ; ᐊᒻᒪᓗ ᖃᐅᔨᒪᔭᐅᑎᑦᓯᓂᖅ ᖃᑭᒪᓇᓱᐊᕐᓂᐅᔪᓂᒃ ᐊᔾᔨᒌᓐᖏᑦᑐᓂᒃ ᐊᑯᓃᖅᑐᒥᓪᓗ ᒪᑭᒪᒍᓐᓇᕐᓂᕐᒥᒃ. ᐊᑑᑎᓯᓐᓈᑦ ᑎᓕᔭᐅᔾᔪᑎᒋᓯᒪᔭᕗᑦ, NDC−ᑯᑦ ᓄᐊᑦᓯᑐᐃᓐᓇᕆᐊᓖᑦ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ, ᐅᑯᐊᓗ ᐸᕐᓇᓯᒪᔭᕗᑦ ᐅᖃᐅᓯᖅᑕᕆᔭᐅᔪᑦ ᑐᓴᐅᒪᖁᓪᓗᑎᑦ ᑲᔪᓯᔪᒥᒃ ᑐᓂᒪᓂᕆᔭᑦᑎᓐᓂᒃ ᖃᐅᔨᑦᓯᐊᕐᓂᕐᒧᑦ ᐃᒻᒥᓅᖓᔪᑦ ᑐᓴᕋᑦᓴᐃᑦ ᐱᔭᐅᔪᑦ ᐊᐅᓚᓂᑦᑕ ᐃᓗᐊᓐᓂ ᑕᒻᒪᖅᓯᒪᓐᖏᒃᑲᓗᐊᕐᒪᖔᑕ ᑲᓐᖑᓇᖅᑑᑎᑕᐅᓗᑎᓪᓗ.

ᐊᑐᐃᓐᓇᐅᑎᑦᓯᓂᒃᑯᑦ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ NDC−ᑯᓐᓄᑦ, ᐊᖏᖅᑐᑎᑦ ᓄᐊᑦᓯᒍᓐᓇᕆᐊᑦᑕ, ᐊᑐᕐᓗᑕ, ᑐᓴᖅᑕᐅᑎᑦᓯᓗᑕᓗ ᐃᓕᓐᓅᖓᔪᓂᒃ ᑐᓴᕋᑦᓴᓂᒃ ᑐᓐᖓᕕᒋᓗᒋᑦ ᐅᑯᐊ ᐃᒻᒥᓅᖓᔪᓄᑦ ᐅᖃᐅᓯᖅᑕᕆᔭᐅᔪᑦ. ᐱᕕᖃᖅᑎᑕᐅᓐᖏᑦᑐᐊᖅᐸᑦ ᒪᓕᒐᖅᑎᒍᑦ, NDC-ᑯᑦ ᓄᐊᑦᓯᓲᖑᓐᖏᑦᑐᑦ, ᐊᑐᓲᖑᒐᑎᓪᓗ, ᐅᖃᐅᓯᖃᓲᖑᒐᑎᓪᓗ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᐊᖏᖅᑕᐅᖅᑳᓚᐅᕋᑎᒃ.

2. ᓱᓇᐅᒻᒪᑦ ᐃᒻᒥᓅᖓᔪᑦ ᑐᓴᕋᑦᓴᐃᑦ?

“ᐃᒻᒥᓅᖓᔪᑦ ᑐᓴᕋᑦᓴᐃᑦ” ᑐᑭᓕᒃ ᑐᓴᕋᑦᓴᐃᑦ, ᑎᑎᕋᖅᑕᐅᓯᒪᔪᑦ ᖃᓄᑐᐃᓐᓇᑦᓯᐊᖅ, ᓇᓗᓇᐃᖅᑕᐅᓯᒪᔪᒨᖓᔪᑦ ᐃᓄᒻᒧᑦ ᐅᕝᕙᓗ ᐃᓄᒃ ᑭᓇᐅᓂᖓ ᓇᓗᓇᐃᖅᑕᐅᒍᓐᓇᖅᑐᖅ ᑐᓴᕋᑦᓴᓃᓐᖔᕐᓗᓂ, ᐱᖃᓯᐅᑎᑦᓱᓂ ᐃᓅᑉ ᐊᑎᖓ, ᐊᖏᕐᕋᖓ, ᐅᕝᕙᓗ ᐱᓇᓱᐊᕐᕕᖓᑕ ᓇᒻᒥᓂᖅ ᐅᖄᓚᐅᑎᖓ; ᐃᓄᒃ ᓇᒥᒥᐅᑕᐅᓂᖓ; ᐊᒻᒪᓗ ᐃᓕᓐᓂᐊᖅᓯᒪᓂᕐᒨᖓᔪᑦ, ᑮᓇᐅᔭᖏᓐᓄᑦ, ᐱᕋᔭᑦᓯᒪᓂᕐᒨᖓᔪᑦ ᐃᖅᑲᓇᐃᔮᖑᖃᑦᑕᖅᓯᒪᔪᓄᓪᓗ, ᐊᓯᖏᓪᓗ. ᐅᓇ ᐃᒻᒥᓅᖓᔪᓄᑦ ᐅᖃᐅᓯᖅᑕᕆᔭᐅᔪᖅ ᐱᓯᒪᓐᖏᑦᑐᖅ ᑲᑎᖅᓱᖅᓯᒪᔪᓂᒃ ᑭᓇᐅᓂᖓ ᐃᓅᑉ ᓇᓗᓇᐃᖅᑕᐅᒍᓐᓇᖏᓪᓗᓂ.

3. ᓱᒻᒪᑦ NDC−ᑯᑦ ᓄᐊᑦᓯᓲᖑᕙᑦ ᐊᑐᓲᖑᑦᓱᑎᓪᓗ ᐃᒻᒥᓅᖓᔪᓂᒃ ᑐᕋᑦᓴᓂᒃ

NDC−ᑯᑦ ᐊᑐᕈᓐᓇᖅᑐᑦ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᐊᑐᐃᓐᓇᐅᑎᑕᐅᔪᓂᒃ NDC−ᑯᓐᓄᑦ ᐊᐅᓚᓂᐅᔪᓄᑦ ᑲᔪᓯᑎᑦᓯᓗᑎᒃ ᑎᓕᔭᐅᔾᔪᑎᒋᓯᒪᔭᒥᓂᒃ. ᐃᒻᒥᓅᖓᔪᑦ ᑐᓴᕋᑦᓴᐃᑦ ᓄᐊᑕᐅᔪᑦ NDC-ᑯᓐᓄᑦ ᐅᑯᓇᓐᖓᑦ ᐱᖃᓯᐅᔾᔨᑐᐃᓐᓇᕆᐊᓖᑦ:

    a. ᐃᒻᒥᓅᖓᔪᑦ ᑐᓴᕋᑦᓴᐃᑦ ᐱᔭᐅᓯᒪᔪᑦ ᐃᓕᓐᓂᒃ ᐅᕝᕙᓗ ᑐᑦᓯᕋᐅᑎᓂᒃ ᐅᕝᕙᓗ ᐃᒻᒥᓅᖓᔪᓄᑦ ᑲᑎᑦᓱᑎᒃ ᐊᑭᓪᓗᐊᖑᔪᓂᒃ ᐅᖃᐅᓯᖃᖅᑐᑦ ᐊᑦᑐᐊᔪᓄᑦ ᑐᑦᓯᕌᖑᓯᒪᔪᓄᑦ ᐱᕙᓪᓕᐊᓂᕐᒧᑦ ᐊᐅᓚᓂᐅᔪᒧᑦ, ᑎᑎᕋᕐᕕᑦᓴᐃᑦ ᐱᔭᐅᒍᑎᑦ ᑎᑎᕋᕐᕕᑦᓴᓃᑦᑎᓪᓗᒋᑦ ᖃᕆᑕᐅᔭᒃᑯᓘᓐᓃᑦ. ᓲᕐᓗ, ᑖᒃᑯᐊ ᑐᓴᕋᑦᓴᐃᑦ ᐱᖃᐅᓯᔾᔨᒐᔭᖅᑐᑦ ᐊᑎᕐᓃᕕᑦ, ᐃᖅᑲᓇᐃᔭᖅᑐᖅᓯᐅᑎᓐᓂᒃ, ᐱᖁᑎᓐᓂᒃ, ᐊᑭᓕᑦᓴᓐᓂᒃ, ᑮᓇᐅᔭᒃᑯᕕᒻᒨᖓᔪᓂᒃ received ᐱᕕᖃᕈᑎᒋᔭᑦᑎᓐᓂᒃ ᐱᔭᕇᔭᕐᓂᕐᒧᑦ ᖃᐅᔨᓴᕆᐊᓕᓐᓂᒃ ᐊᑭᓕᑦᓴᓅᖓᔪᓂᒃ ᐊᓯᖏᓐᓂᓪᓗ;

    b. ᑐᓴᕋᑦᓴᐃᑦ ᑮᓇᐅᔭᒃᑯᕕᓐᓅᖓᔪᑦ ᑮᓇᐅᔭᓐᓄᓪᓗ ᐱᐅᓯᐅᓯᒪᔪᑦ ᐊᓯᖏᓐᓂ ᑮᓇᐅᔭᒃᑯᕕᓐᓂ ᐅᕝᕙᓗ ᐊᑐᖅᑐᐊᕐᕕᓐᓂ. ᑕᕝᕙᓃᖃᑕᐅᒻᒥᔪᑦ ᐅᕙᑦᑎᓐᓄᑦ ᑐᓴᐅᒪᖃᑦᑕᐅᑎᔾᔪᑎᒋᕙᑦᑕᑎᑦ ᑮᓇᐅᔭᒃᑯᕕᓐᓅᖓᔪᑦ ᐅᕝᕙᓗ ᐊᑐᖅᑐᐊᖅᓯᒪᓂᕐᓅᕖᖓᔪᑦ;

    c. . ᖃᓄᐃᓕᒋᐊᕐᕕᑦᓴᓅᖓᔪᑦ ᐊᒻᒪᓗ ᐊᑭᓕᖅᑕᐅᓂᕐᒧᑦ ᑐᓴᕋᑦᓴᐃᑦ ᐊᑦᑐᐊᔪᑦ ᓂᐅᕕᖅᑕᐅᓂᖏᓐᓄᑦ ᒪᓂᒪᑎᑕᐅᓂᖏᓐᓄᓪᓗ ᓄᓇᕗᒻᒥ ᓴᓇᐅᒐᐃᑦ ᑮᓇᐅᔭᓕᐅᕋᓱᐊᑎᓄᓪᓗ.

    d. ᐊᓯᖏᑦ ᐃᓘᓐᓇᐃᓐᓅᖓᔪᖅ ᑐᓴᕋᑦᓴᐃᑦ ᐃᓕᓐᓅᖓᔪᖅ ᐱᑐᐃᓐᓇᕆᐊᓕᕗᑦ ᕿᒥᕐᕈᓂᑦᑎᓐᓂ ᑐᑦᓯᕋᐅᑎᓐᓃᕕᑦ, ᐸᕐᓇᓂᕐᒧᑦ ᐅᕝᕙᓗ ᑲᔪᓯᑎᑦᓯᓂᕐᒧᑦ ᐊᐅᓚᓂᐅᔪᒥᒃ ᐊᑦᑐᐊᔪᒧᑦ ᑎᓕᔭᐅᔾᔪᑎᒋᓯᒪᔭᑦᑎᓐᓄᑦ;

    e. ᑎᑭᐅᑎᓂᖅ ᓇᐅᑐᐃᓐᓇᕐᓄᑦ ᒪᓕᒐᖅᑎᒍᑦ ᐱᔭᕆᐊᓕᓐᓄᑦ;

    f. ᐱᔾᔪᑕᐅᓪᓗᓂ ᐃᖅᑲᓇᐃᔭᖅᑎᑦᓯᓂᖅ, ᐊᐅᓚᖅᓯᓂᖅ, ᐅᕝᕙᓗ ᐊᐅᓚᑦᓯᓂᖅ ᐃᖅᑲᓇᐃᔭᖅᑎᓂᒃ;

    g. ᖃᓄᐃᓕᒋᐊᕐᕕᑦᓴᒧᑦ ᐊᑭᓕᖅᑐᖅᑕᐅᓂᕐᒧᓪᓗ ᑐᓴᕋᑦᓴᐃᑦ ᐊᑦᑐᐊᓂᖃᖅᑐᑦ ᑳᑦᑐᓛᕆᔭᐅᔪᓄᑦ ᑕᖅᑳᓐᖔᖅᑐᓄᑦ; ᐊᒻᒪᓗ

    h. ᐊᓯᖏᑦ ᐱᔾᔪᑕᐅᔪᑦ ᐊᑦᑐᓂᖃᖅᑐᑦ ᐅᑯᓄᖓ ᐱᔾᔪᑕᐅᔪᓄᑦ.

ᐃᓕᓐᓅᖓᔪᑦ ᑐᓴᕋᑦᓴᐃᑦ ᐊᐱᖅᑯᑎᒋᔭᕗᑦ ᑐᓐᖓᕕᖃᕐᓂᐊᖅᑐᑦ ᐃᓚᐅᑎᓐᓂᕆᔭᓐᓂᒃ NDC−ᑯᓐᓄᑦ.

ᐃᒻᒥᓅᖓᔪᑦ ᑐᓴᕋᑦᓴᐃᑦ ᐊᑐᖅᑎᓅᖓᔪᑦ ᐱᔨᑦᓯᕋᐅᑎᑦᑎᓐᓂᒃ ᓄᐊᑕᐅᓂᐊᖅᑐᑦ, ᐱᕕᓕᒫᒃᑯᑦ, ᑐᕋᐃᓐᓇᕐᓗᑎᒃ ᐃᓄᒻᒥᒃ ᐊᑦᑐᐊᔪᒥᒃ. ᒪᓕᒐᖅᑎᒍᑦ ᐱᕕᖃᖅᑎᑕᐅᓐᖏᑐᐊᕈᑎᒃ, ᐃᒻᒥᓅᖓᔪᑦ ᑐᓴᕋᑦᓴᐃᑦ ᓄᐊᑕᐅᓲᑦ ᐃᓅᑉ ᒥᑦᓵᓄᑦ ᐊᖏᖅᑎᑦᓯᖅᑳᓚᐅᕋᑎᒃ ᐃᓄᒻᒥᒃ ᓄᐊᑦᓯᓂᕐᒨᖓᔪᓄᑦ, ᐊᑐᕐᓗᑎᒃ ᑐᓴᖅᑕᐅᑎᑦᓯᓗᑎᓪᓗ ᑐᓴᕋᑦᓴᓂᒃ. ᖃᖓᑐᐃᓐᓇᑦᓯᐊᖅ ᐊᖏᖅᓯᒪᓂᕆᔭᐃᑦ ᐊᓯᔾᔨᕈᓐᓇᖅᑐᑦ, ᒥᑦᓯᖃᖅᑐᒥᒃ ᐱᔾᔪᑎᖃᑐᐊᕈᕕᑦ ᓯᕗᕐᖓᓂ ᖃᐅᔨᒃᑲᐃᓗᑎᑦ, ᖃᓄᐃᓕᒋᐊᕐᓗᑎᑦ NDC−ᑯᓐᓄᑦ.

4. ᖃᖓᒃᑯᑦ NDC−ᑯᑦ ᑐᓴᖅᑕᐅᑎᑦᓯᒐᔭᕐᒪᖔᑕ ᐃᓕᓐᓅᖓᔪᓂᒃ ᑐᓴᕋᑦᓴᓂᒃ

ᐊᑐᐃᓐᓇᖃᕐᓂᖅ ᑐᓴᕋᑦᓴᓂᒃ

ᑕᐃᒫᒃ ᐅᖃᐅᓯᐅᒻᒪᑕ ᑕᑉᐱᒃᑯᓇᓂ, ᒐᕙᒪᒃᑯᓐᓂ ᑎᒥᐅᔪᓕᒫᑦ, ᐱᖃᓯᐅᑎᑦᓱᑎ NDC−ᑯᑦ, ᑐᓴᖅᑕᐅᑎᑦᓯᒋᐊᖃᑐᐃᓐᓇᕆᐊᓖᑦ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᑐᓐᖓᕕᖃᕐᓗᑎᒃ ATIPPA−ᑯᓐᓂᒃ ᑐᑦᓯᕋᕆᐊᒃᑲᓐᓂᕐᓗᑎᒃ ᑐᓴᕋᑦᓴᓂᒃ. ᐃᒻᒥᓅᖓᔪᑦ ᑐᓴᕋᑦᓴᐃᑦ ᐃᓄᐃᑦ ᒥᑦᓴᐃᓐᓅᖓᔪᑦ ᐊᓯᖏᓐᓄᑦ ᑐᑦᓯᕋᖅᑑᑉ ᑐᓴᕋᑦᓴᓂᒃ ᐃᓚᒋᔭᐅᑎᑕᐅᒐᔪᐃᑦᑐᑦ ᑐᑦᓯᕋᖅᑑᑉ ᐱᔪᓐᓇᐅᑎᖏᓐᓄᑦ ᑐᓴᕋᑦᓴᓅᖓᔪᒧᑦ ᐅᓚᕕᓐᓂᖃᓚᖓᑐᐊᖅᐸᑦ ᐃᒻᒥᓅᖓᔪᓂᒃ, ᐃᓚᖓᓂ ᐃᒻᒥᓅᖓᔪᑦ ᑐᓴᕋᑦᓴᐃᑦ ᑐᓴᖅᑕᐅᑎᑕᐅᒍᓐᓇᖅᑐᑦ. ᓲᕐᓗ, ᑐᓴᖅᑕᐅᑎᑦᓯᓂᖅ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᐅᓚᕕᓐᐅᓐᖏᑦᑐᖅ ᐃᓄᒻᒥᒃ ᐃᒪᐃᑦᑐᖃᖅᐸᑦ:

  • ᐃᓄᒃ ᐊᖏᖅᓯᒪᑐᐊᖅᐸᑦ ᑐᓴᖅᑕᐅᑎᑦᓯᓂᕐᒥᒃ;
  • ᑕᑯᑦᓴᓪᓚᕆᐅᑉᐸᑕ ᐊᑦᑐᖅᑕᐅᓂᐅᓴᓂᖏᑦ ᖃᓄᐃᓐᖏᑦᓯᐊᕐᓂᖓᑕ ᐊᑦᑕᓇᑦᑕᐃᓕᒪᓂᖓᑕᓗ ᓇᐅᑐᐃᓐᓇᐅᑉ ᐃᓅᑉ;
  • ᖃᐅᔨᒃᑲᐃᓂᖅ ᐊᖏᖅᑕᐅᓯᒪᔪᓂᒃ ᖃᐅᔨᓴᕐᓂᕐᒥᒃ ᐱᔾᔪᑎᖃᖅᐸᑦ;
  • ᖃᐅᔨᒃᑲᐃᓂᐅᔪᖅ ᑕᑯᑦᓴᐅᑎᑦᓯᑉᐸᑦ ᐃᓗᓕᖏᓐᓂᒃ ᐱᕚᓪᓕᕈᑎᑦᓴᐃᑦ ᑮᓇᐅᔭᓅᖓᔪᓄᑦ ᐊᐃᑦᑑᑕᐅᔪᓄᑦ ᐃᓄᒻᒧᑦ ᑭᓇᒃᑯᑐᐃᓐᓇᕐᓄᑦ ᑎᒥᖁᑎᒋᔭᐅᔪᒧᑦ, ᑭᓯᐊᓂ ᐃᒻᒥᓅᖓᔪᑦ ᑐᓴᕋᑦᓴᐃᑦ ᐊᑐᐃᓐᓇᐅᑎᑕᐅᓐᖏᑦᑐᑦ ᐃᑲᔪᖅᓯᒍᑕᐅᓗᑎᒃ ᑐᑦᓯᕋᐅᑎᓂᒃ ᐱᕚᓪᓕᕈᑎᑦᓴᓂᒃ; ᐅᕝᕙᓗ
  • ᖃᐅᔨᒃᑲᐃᓂᖅ ᑕᑯᑦᓴᐅᑎᑦᓯᑉᐸᑦ ᑮᓇᐅᔭᓅᖓᔪᓂᒃ ᐊᓯᖏᓐᓂᓪᓗ ᐃᓗᓕᕆᔭᐅᔪᓂᒃ ᑳᑦᑐᓛᓄᑦ ᐊᑐᐃᓐᓇᐅᑎᑦᓯᓂᕐᒧᑦ ᓱᓇᒃᑯᑎᓂᒃ ᐱᔨᑦᓯᕋᐅᑎᓂᓪᓗ ᐃᓄᓐᓄᑦ ᑎᒥᖁᑎᒋᔭᐅᔪᒧᑦ.

ᐃᓕᓐᓅᖓᔪᑦ ᑐᓴᕋᑦᓴᐃᑦ ᑐᓴᖅᑕᐅᑎᑕᐅᒐᔭᖅᐸᑕ ᑐᑦᓯᕌᖑᔪᖃᖅᑎᓪᓗᒍ ᑐᓴᕋᑦᓴᓂᒃ, ᐱᕕᖃᖅᑎᑕᐅᒐᔭᖅᑐᑎᑦ ᐅᓂᒃᑳᕈᓐᓇᖅᑎᑕᐅᓗᑎᒃ ᐱᔾᔪᑕᐅᓪᓗᑎᒃ ᑐᓴᖅᑕᐅᑎᑕᑎᑦ.

ᑕᐃᒫᒃ ᐅᖃᐅᓯᐅᒻᒪᑕ ᑕᑉᐱᑲᓂ, ᑐᓴᕋᑦᓴᒋᐊᒃᑲᓐᓃᑦ ATIPPA−ᒨᖓᔪᑦ ᑐᑦᓯᕋᐅᑏᓪᓗ ᐊᑐᐅᓐᓇᐅᔪᑦ ᐃᑭᐊᖅᑭᕕᖓᓐᓂ ᒪᓕᒐᕐᔪᐊᓕᕆᔨᒃᑯᓐᓄᑦ ᒪᓕᒐᓕᕆᔨᒃᑯᑦ ᒥᓂᔅᑕᐅᕕᖓᓐᓂ ᒐᕙᒪᒃᑯᖏᓐᓂ ᓄᓇᕗᑦ ᐅᕝᕙᓗ ᐃᑭᐊᖅᑭᕕᖓᓐᓄᑦ ᑐᓴᕋᑦᓴᓅᖓᔪᓄᑦ ᐃᒻᒥᓅᖓᔪᓄᓪᓗ ᑲᒥᓯᓇᖓᓄᑦ ᓄᓇᕗᑦ..

ᑐᓴᖅᑕᐅᑎᑦᓯᓂᖅ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᐊᓯᖏᓐᓅᖓᔪᓂ

ᓯᓚᑖᒍᑦ ᑐᓴᖅᑎᑦᓯᓂᐅᑉ ᑐᓐᖓᕕᖃᖅᑑᑉ ᐊᑐᐃᓐᓇᖃᕐᓂᕐᒧᑦ ᑐᓴᕋᑦᓴᓂᒃ ᑐᑦᓯᕋᕐᓂᐅᑉ, NDC−ᑯᑦ ᑐᓴᖅᑎᑦᓯᑐᐃᓐᓇᕆᐊᖃᕐᒥᔪᑦ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᐊᑑᑎᓗᓂ ᑎᓕᔭᐅᔾᔪᑎᒋᓯᒪᔭᒥᓂᒃ ᓴᖅᑮᓂᕐᒥᒃ ᐃᖅᑲᓇᐃᔮᑦᓴᓂᒃ ᐱᕙᓪᓕᐊᑎᑦᓯᓂᕐᒥᓪᓗ ᐊᔾᔨᒌᓐᖏᑦᑐᓂᒃ ᒪᑭᒪᒍᓐᓇᑦᓯᐊᖅᑐᒥᓪᓗ ᖃᑭᒪᓇᓱᐊᕐᓂᕐᒥᒃ ᓄᓇᓕᓕᖏᓐᓄᑦ ᓄᓇᕗᑦ. ᐊᒻᒪᓗ, NDC−ᑯᑦ ᐱᓕᕆᖃᑎᖃᓲᑦ ᐊᓯᖏᓐᓂᒃ ᑲᑐᔾᔨᖃᑎᒌᓂᒃ ᑎᒥᐅᔪᓂᓪᓗ ᐊᑑᑎᓗᑎᑦ ᑎᓕᔭᐅᔾᔪᑎᒋᓯᒪᔭᒥᓂᒃ ᐃᒻᒥᓅᖓᔪᓂᓪᓗ ᑐᓴᕋᑦᓴᓂᒃ ᐊᒥᖅᑲᐅᑎᖃᑐᐃᓐᓇᕆᐊᓖᑦ ᑎᒥᐅᔪᓄᑦ ᑭᓯᐊᓂ ᐱᕕᖃᖅᑎᑕᐅᔪᓄᑦ ᒪᓕᒐᖅᑎᒍᑦ. ᐊᑖᓃᑦᑐᑦ ᐃᓚᒋᑦ ᐆᑦᑑᑎᒋᔭᐅᔪᑦ ᑕᖅᑳᓐᖔᖅᑐᓄᑦ ᐱᖓᔪᒋᔭᐅᔪᓄᑦ ᑐᓴᖅᑎᑐᐃᓐᓇᕆᐊᓕᑦᑎᓐᓄᑦ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ. ᑖᒃᑯᐊ ᐆᑦᑑᑕᐅᔪᑦ ᐃᓘᓐᓇᑦᓯᐊᖏᓐᓂᒃ ᑕᑯᑦᓴᐅᑎᑦᓯᖏᑦᑐᑦ ᒪᓕᒐᖅᑎᒍᑦ ᐱᕕᖃᖅᑎᑕᐅᒍᓐᓇᖅᑐᓂᒃ, ᓱᓕᔪᖅᓴᖅᑐᒍᑦ ᐃᓕᓐᓂᒃ ᐃᑲᔪᕐᓂᖃᕐᓂᐊᕆᐊᖏᑦ ᖃᓄᖅ ᑐᓴᕋᑦᓴᐃᑦ ᐃᓕᓐᓅᖓᔪᑦ ᐊᒥᖅᑲᐅᑕᐅᑐᐃᓐᓇᕆᐊᖃᕆᐊᖏᑦ.

NDC−ᑯᑦ ᑐᓴᖅᑎᑦᓯᒍᓐᓇᖅᑐᑦ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ:

    a. ᑐᑭᓯᓂᐊᖅᑎᓄᑦ ᑎᒥᐅᔪᓄᑦ, ᑲᒻᐸᓂᐅᔪᓄᑦ ᐃᓄᓐᓄᓪᓗ ᐃᖅᑲᓇᐃᔭᖅᑎᓄᑦ NDC−ᑯᓐᓂ ᑳᑦᑐᓛᑦᑎᒍᑦ ᕿᒥᕐᕈᓗᑎᒃ ᐊᔾᔨᖐᓐᖏᑦᑐᓂᒃ ᐃᓗᓕᕆᔭᐅᔪᓂᒃ ᐊᑭᓕᑦᓴᓅᖓᔪᓂᒃ ᑐᑦᓯᕋᖅᑐᑦ, ᐅᕝᕙᓗ ᐊᑐᐃᓐᓇᐅᑎᑦᓯᓂᕐᒧᑦ ᐱᔨᑦᓯᕋᐅᑎᓂᒃ, ᐃᓱᒪᒋᔭᒥᓐᓂᒃ ᐊᐅᓚᓂᐅᔪᓂᓪᓘᓐᓃᑦ ᐊᐅᓪᓛᖅᑎᑕᐅᔪᓄᑦ. ᓲᕐᓗ NDC−ᑯᑦ ᐊᑐᑐᐃᓐᓇᕆᐊᓖᑦ ᓯᓚᑖᓂᒃ ᑐᑭᓯᓂᐊᖅᑎᓂᒃ ᑎᒥᐅᔪᓂᒃ ᐃᑲᔪᕐᓗᑎᒃ ᐃᓗᓕᖅᑐᔪᒥᒃ ᕿᒥᕐᕈᔭᐅᓂᖏᓐᓂᒃ ᐊᑭᓕᑦᓴᖅᑖᖑᒍᒪᔪᑦ, ᑮᓇᐅᔭᒃᑯᕕᓐᓂᒃ ᐊᐅᓪᓛᖅᑎᑕᐅᓯᒪᔪᓄᑦ ᐊᒻᒪᓗ ᒪᓕᒐᓕᕆᓂᕐᒧᑦ ᑎᒥᐅᔪᓂᒃ ᐃᓂᓕᐅᖅᑕᐅᑎᓪᓗᒋᑦ;

    b. ᑎᒥᐅᔪᓄᑦ ᐊᑦᑐᐊᓂᖃᖅᑐᓄᑦ ᓂᐅᕕᐊᑦᓴᖃᖃᑎᒌᑦᑐᓄᑦ ᓂᐅᕕᖅᑕᐅᓂᖏᓐᓄᑦ ᓂᐅᕕᐊᑦᓴᖁᑎᕕᑦ ᓂᐅᕕᐊᑦᓴᓕᕆᔨᑦᑎᒍᑦ;

    c. ᑲᒪᓗᑎᒃ ᓂᐅᕕᐊᓐᓃᕕᑦ ᓂᐅᕕᐊᑦᓴᓕᕆᔨᑦᑎᓐᓂᒃ;

    d. ᑭᒡᒐᖅᑐᐃᔩᑦ, ᓲᕐᓗ ᑮᓇᐅᔭᓕᕆᔩᑦ, ᒪᓕᒐᓕᕆᔩᑦ ᐅᕝᕙᓘᓐᓃᑦ ᑐᑭᓯᓂᐊᖅᑏᑦ ᑎᒥᐅᔪᑦ ᐃᓕᓐᓂᒃ ᑭᒡᒐᖅᑐᐃᔪᑦ ᐃᓱᒪᖅᓲᑎᑎᑦ / ᐊᖏᖅᓯᒪᔭᑎᑦ;

    e. ᐱᕕᖃᖅᑎᑕᐅᒍᑎᒃ ᐱᔭᕆᐊᖃᕈᑎᓪᓘᓐᓃᑦ ᒪᓕᒐᖅᑎᒍᑦ, ᐱᖃᑎᐅᑎᑦᓱᓂ ᑲᓇᑕᒥ ᑕᒻᒪᖅᓯᒪᔪᖅᓯᐅᖅᑎᖅᔪᐊᖅ ᑕᒻᒪᖅᓯᒪᔪᓂᒃ ᕿᓂᕐᓗᓂ; ᓄᓇᕗᒻᒥ ᐃᑦᓴᕐᓂᑕᓕᕆᔨᒃᑯᓐᓄᑦ ᐃᑦᓴᕐᓂᑕᐃᑦ ᐱᔾᔪᑎᒋᓪᓗᒋᑦ; ᐊᐅᓚᔾᔭᒋᐊᕈᑎᒃ ᑎᓕᓯᔾᔪᑕᐅᔪᒧᑦ ᐃᖅᑲᖅᑐᐃᕕᒻᒥ ᐅᕝᕙᓗ ᐊᓯᖏᑦᑎᒍᑦ ᒪᓕᒐᖅᑎᒎᖅᑐᑎᒍᑦ; ᐅᕝᕙᓗ ᑖᒃᓰᔭᕆᐊᖃᕐᓂᖅ ᐱᔾᔪᑕᐅᓪᓗᓂ ᑲᓇᑕ ᐅᑎᖅᑐᑦᓴᓕᕆᔨᒃᑯᓐᓄᑦ.

ᐃᑉᐱᓐᓇᕆᐊᑭᑦᑐᓂᒃ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᐊᑐᐃᓐᓇᐅᑎᑕᐅᔪᖃᖅᐸᑦ NDC−ᑯᓐᓄᑦ, ᑐᓴᖅᑕᐅᑎᔾᔮᖏᑦᑕᕗᑦ ᐱᔭᕆᐊᖃᖅᑎᑕᐅᓐᖏᑐᐊᖅᐸᑦ ᒪᓕᒐᖅᑎᒍᑦ ᐅᕝᕙᓗ ᐊᖏᖅᓯᒪᒍᕕᑦ ᑭᓯᐊᓂ. ᐃᓱᒪᖅᓲᑎᒋᓐᖏᒃᑯᑦᑎᒍ ᐅᕝᕙᓗ ᑐᓴᖅᑎᑦᓯᒍᓐᓇᖅᑎᑕᐅᒍᑦᑕ ᑐᓴᕋᑦᓴᓂᒃ ᐊᖏᖅᑐᖃᖅᑎᓐᓇᒍ, NDC-ᑯᑦ ᑭᓐᖒᒪᒋᔭᐅᔪᑦ ᐅᖓᑖᓄᑦ ᐅᖃᐅᓯᔾᔮᓐᖏᑦᑐᑦ.

ᐊᒻᒪᓗ NDC−ᑯᑦ ᑐᓴᖅᑎᑦᓯᒍᓐᓇᖅᑐᑦ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᑲᒻᐸᓂᐅᔪᓄᑦ ᐱᔨᑦᓯᕋᖅᑐᓄᑦ ᐅᕙᑦᑎᓐᓂᒃ ᑭᒡᒐᖅᑐᐃᑦᓱᑎᒃ ᐅᕝᕙᓗ ᐊᓯᖏᓐᓄᑦ ᑮᓇᐅᔭᒃᑯᕕᓐᓄᑦ ᐱᓕᕆᖃᑎᒋᕙᑦᑕᑎᓐᓄᑦ. ᑖᒃᑯᐊ ᑲᒻᐸᓂᐅᔪᑦ ᐊᑖᓃᑦᑐᑦ ᑳᑦᑐᓛᑦᑎᒍᑦ ᑐᓂᒪᓂᐅᔪᑦ ᓴᐳᔾᔨᒋᐊᖃᖅᓱᑎᒃ ᑲᓐᖑᓇᖅᑐᓂᒃ ᐃᓕᓐᓅᖓᔪᓂᒃ ᐊᑐᕈᓐᓇᖅᓱᒋᓪᓗ ᑭᓯᐊᓂ ᐱᔨᑦᓯᕋᐅᑎᓂᒃ ᐊᑐᐃᓐᓇᐅᑎᑦᓯᒍᑕᐅᓗᑎᒃ ᐊᐅᓚᓂᐅᖁᓯᒪᔭᑦᑎᓐᓂᒃ.

ᐊᖏᖅᓯᒪᓃᑦ ᐲᕈᒪᒍᕕᐅᒃ ᐃᓕᓐᓅᖓᔪᑦ ᑐᓴᕋᑦᓴᐃᑦ ᓄᐊᑕᐅᓂᖏᓐᓅᖓᔪᖅ, ᐊᑐᖅᑕᐅᔪᑦ ᑐᓴᖅᑕᐅᑦᓱᑎᓪᓗ ᐱᔾᔪᑕᐅᑦᓱᑎᒃ ᑕᑉᐱᒃᑯᐊ ᑎᑎᕋᖅᓯᒪᔪᑦ, ᖃᓄᐃᓕᒋᐊᕋᔭᖅᑯᑎᑦ ᐅᕙᑦᑎᓐᓄᑦ ᓈᓴᐅᑎᒥᒃ ᑐᕌᕈᑎᒥᓘᓐᓃᑦ ᐊᑐᐃᓐᓇᐅᑎᑕᐅᔪᒥ. ᑭᓯᐊᓂᓕ, ᐃᓚᖏᓐᓂ, ᒪᓕᒐᖅᑎᒍᑦ ᕿᐱᓗᓯᓐᓇᕈᓐᓇᓐᖏᑐᐃᓐᓇᕆᐊᖃᖅᑐᑎᑦ. ᐊᐳᖅᑕᕐᕕᖃᖅᑎᑐᐃᓐᓇᕆᐊᖃᕐᒥᔭᕗᑦ ᓂᐅᕕᐊᑦᓴᐃᑦ ᐱᔨᑦᓯᕋᐅᑏᓪᓗ ᐃᓕᓐᓄᑦ ᐊᑐᐃᓐᓇᐅᑎᑉᐸᑦᑕᕗᑦ ᓄᖅᑲᑎᑦᓯᒍᕕᑦ ᐲᖅᓯᒍᕕᓪᓘᓐᓃᑦ ᐊᖏᖅᓯᒪᓂᓐᓂᒃ ᓄᐊᑦᓯᓂᖅ, ᐊᑐᕐᓂᖅ ᑐᓴᖅᑕᐅᑎᑦᓯᓂᕐᓗ ᐃᓕᓐᓅᖓᔪᓂᒃ ᑐᓴᕋᑦᓴᓂᒃ ᐱᔭᕆᐊᖃᖅᐸᑕ ᐊᑐᐃᓐᓇᐅᑎᑕᐅᓂᖏᓐᓄᑦ ᓂᐅᕕᐊᑦᓴᐃᑦ ᐱᔨᑦᓯᕋᐅᑏᓪᓘᓐᓃᑦ.

5. ᑲᓐᖑᓇᖅᑐᓕᕆᓂᖅ ᐊᑦᓱᖏᖅᓯᒪᓂᕐᓗ

ᐃᖅᑲᓇᐃᔭᖅᑎᖁᑎᕗᑦ ᒪᓕᒋᐊᖃᕐᒪᑕ ᐊᐅᓚᓂᐅᔪᓂᒃ ᐊᑦᑐᐊᓂᖃᖅᑐᓂᒃ ᐸᐸᑕᐅᓂᖏᓐᓄᑦ ᑲᓐᖑᓇᖅᑐᑦ ᐃᒻᒥᓅᖓᔪᑦ ᑐᓴᕋᑦᓴᐃᑦ. ᐊᒻᒪᓗ, ᐸᐸᑦᓯᓲᖑᔪᒍᑦ, ᑕᖏᓕᓐᓂᒃ, ᖃᕆᑕᐅᔭᒃᑰᖓᔪᓂᒃ, ᐊᒻᒪᓗ ᐊᐅᓚᓂᕐᒧᑦ ᓴᐳᔾᔨᒍᑕᐅᔪᓂᒃ ᑐᓴᕋᑦᓴᓂᒃ. ᐱᖃᓯᐅᑎᑦᓱᑎᒃ ᑲᔪᓯᔪᒥᒃ ᖃᐅᔨᓴᖅᑕᐅᓂᖏᑦ ᐊᐅᓚᑦᓯᔾᔪᑎᑦᑕ ᐃᓗᓕᖃᖅᑐᑦ ᓂᐅᕕᖅᑎᖁᑎᑦᑎᓐᓅᖓᔪᓂᒃ ᐊᓯᔾᔨᖅᑐᐃᓗᑕᓗ ᐊᓯᔾᔨᖅᑐᕆᐊᓕᓐᓂᒃ.

6. Accuracy and Access

NDC−ᑯᑦ ᐃᓕᓐᓅᖓᔪᑦ ᑐᓴᕋᑦᓴᖁᑎᖏᑦ ᐅᓪᓗᒨᖓᑦᓯᐊᖅᑐᖅ, ᑕᒻᒪᖅᓯᒪᒐᑎᒃ ᐊᑑᑎᖃᖅᓱᑎᓪᓗ ᐊᑑᑎᒍᑎᒋᒍᒫᕐᓂᐊᖅᓯᒪᔭᖓᓄᑦ. ᐃᓕᓐᓅᖓᔪᑦ ᑐᓴᕋᑦᓴᐃᑦ ᐋᖅᑮᔾᔪᑕᐅᑉᐸᑕ ᐊᑐᖅᑕᐅᓗᑎᒃ ᐃᓕᓐᓂᒃ ᑐᕋᐃᓐᓇᖅᑐᒥᒃ ᐊᑦᑐᐃᓂᖃᕐᓗᓂ, NDC−ᑯᑦ ᐱᕕᓕᒫᒃᑯᑦ ᑐᓴᕋᑦᓴᓂᒃ ᖃᐅᔨᓴᑦᓯᐊᕐᓂᐊᖅᑐᑦ ᑕᒻᒪᐅᖅᑲᖏᒃᑲᓗᐊᕐᒪᖔᑕ ᐊᑕᖏᕋᓗᐊᕐᒪᖔᑕᓗ; ᐊᒻᒪᓗ ᐸᐸᑦᓯᓗᑎᒃ ᑐᓴᕋᑦᓴᓂᒃ ᐊᕐᕌᒍᒥᒃ ᐊᑕᐅᓯᕐᒥᒃ ᐊᑐᓚᐅᕐᓗᓂᒋᑦ ᐱᕕᑦᓴᖃᖁᓪᓗᑎᑦ ᑕᑯᒋᐊᕈᒪᓐᓂᕈᕕᒋᑦ.

ᑐᑦᓯᕋᕈᓐᓇᖅᑐᑎᑦ ᐃᓕᓐᓅᖓᔪᓂᒃ ᑐᓴᕋᑦᓴᓂᒃ ᐸᐸᑕᑦᑎᓐᓂᒃ ᕿᒥᕐᕈᒍᒪᒍᕕᑦ ᐋᖅᑭᒋᐊᕆᒍᒪᒍᕕᓪᓗ ᑐᓴᕋᑦᓴᓂᒃ, ᓈᒻᒪᒋᔭᐃᑦ ᐊᑐᕐᓗᒍ. ᐃᓕᓐᓅᖓᔪᑦ ᑐᓴᕋᑦᓴᐃᑦ ᐊᑐᐃᓐᓇᐅᑎᑕᐅᓯᒪᑉᐸᑕ ᑕᖅᑳᓐᖓᑦ ᑕᖅᑮᑦ 12 ᐃᓗᐊᓂ ᑐᑦᓯᕋᖅᑐᖃᓚᐅᖅᑎᓐᓇᒍ ᐋᖅᑭᒋᐊᕈᑎᑦᓴᒥᒃ, ᖃᐅᔨᒃᑲᕋᔭᖅᑕᕗᑦ ᑕᖅᑳᓐᖓᑦ ᐱᖓᔪᒋᔭᐅᔪᑦ ᐊᖅᑭᒋᐊᕐᓂᐅᑉ ᒥᑦᓵᓄᑦ ᐅᕝᕙᓗ ᑐᑦᓯᕋᕐᓂᐅᑉ ᐋᖅᑭᒋᐊᖁᔭᐅᓗᓂ. ᐊᑐᐃᓐᓇᐅᕆᒍᒪᒍᕕᒋᑦ ᐃᓕᓐᓅᖓᔪᑦ ᑐᓴᕋᑦᓴᐃᑦ, ᖃᓄᐃᓕᒋᐊᕈᓐᓇᖅᑐᑎᑦ ᐅᕙᑦᑎᓐᓄᑦ ᓈᓴᐅᑎᒥ ᑐᕌᕈᑎᒥᓘᓐᓃᑦ ᑎᑎᕋᖅᑕᐅᓯᒪᔪᒥ ᐃᓱᐊᓂ ᐆᒪ ᐅᖃᐅᓯᖅᑕᕆᔭᐅᔫᑉ.

7. ᑭᓪᓕᖃᖅᑎᐸᑦᑕᕗᑦ ᐸᐸᑦᓯᓂᕗᑦ ᐃᓕᓐᓅᖓᔪᓂᒃ ᑐᓴᕋᑦᓴᓂᒃ

NDC−ᑯᑦ ᐸᐸᑦᓯᓲᑦ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᐸᐸᑦᓯᒋᐊᖃᕐᓂᕐᒥᓂ ᑲᔪᓯᑎᑦᓯᓗᑎᒃ ᐱᔾᔪᑕᐅᔪᓂᒃ ᑎᑎᕋᖅᑕᐅᓯᒪᔪᓂᒃ ᑕᑉᐱᒃᑯᓇᓂ ᐅᕝᕙᓗ ᐊᓯᐊᒍᑦ ᐱᔭᕆᐊᖃᖅᑎᑕᐅᑉᐸᑕ ᒪᓕᒐᖅᑎᒍᑦ.

8.NDC−ᑯᑦ ᕿᒥᕐᕈᔪᑦ ᐃᒻᒥᓅᖓᔪᓄᑦ ᐊᑐᐊᒐᕐᓂᒃ

ᕿᒥᕐᕈᓕᐅᒥᔮᖃᑦᑕᓚᖓᔪᒍᑦ ᐋᖅᑭᒋᐊᖃᑦᑕᕐᓗᒋᑦ ᐃᒻᒥᓅᖓᔪᓄᑦ ᐅᖃᐅᓯᖅᑕᕆᔭᕗᑦ. ᐃᓕᓐᓄᑦ ᐊᑐᐃᓐᓇᐅᑎᑦᓯᓂᐊᖅᑐᒍᑦ ᐋᖅᑭᒋᐊᖅᓯᒪᔪᓂᒃ ᐊᑐᐊᒐᕐᓂᒃ ᐊᓯᔾᔨᕐᓂᐅᔪᑦ ᐊᑦᑐᐃᓂᖃᓪᓚᕆᑐᐊᖅᐸᑕ ᐊᑐᐊᒐᑦᑎᓐᓂᒃ. ᒪᓕᒐᖅᑎᒍᑦ ᐱᕕᖃᖅᑎᑕᐅᓐᖏᑐᐊᖅᐸᑦ, ᐋᖅᑭᕆᐊᕆᔾᔮᓐᖏᑦᑐᒍᑦ ᐃᒻᒥᓅᖓᔪᓄᑦ ᐅᖃᐅᓯᖅᑕᕐᒥᒃ ᐱᕕᖃᖅᑎᑦᓯᒍᑎᒋᓗᒍ ᐊᒥᖅᑲᐅᑎᖃᕐᓂᕐᒥᒃ ᐃᒻᒥᓅᖓᔪᓂᒃ ᑐᓴᕋᑦᓴᓂᒃ ᐊᓯᖏᓐᓂᒃ ᓇᓗᓇᐃᔭᖅᑕᐅᓯᒪᔪᑦ ᐅᕙᓂ ᐃᓕᓐᓂᒃ ᖃᐅᔨᒃᑲᐃᖅᑳᓐᖏᑐᐊᕈᑦᑕ ᐱᕕᖃᖅᑎᓪᓗᒋᑦ ᐊᒥᖅᑲᐅᑎᖃᑦᑕᐃᓕᓂᕐᒥᒃ ᐃᓕᓐᓅᖓᔪᓂᒃ. ᖃᖓᓕᒫᑦᓯᐊᖅ ᕿᒥᕐᕈᒍᓐᓇᖅᑐᑎᑦ ᒫᓐᓇ ᐃᒻᒥᓅᖓᔪᓄᑦ ᐊᑐᐊᒐᑦᑎᓐᓂᒃ ᐃᑭᐊᖅᑭᕕᑦᑎᓐᓂ www.ndcorp.nu.ca ᐅᕝᕙᓗ ᖃᓄᐃᓕᒋᐊᕐᓗᑎᑦ ᐅᕙᑦᑎᓄᑦ ᐊᔾᔨᒋᓐᓂᒃ ᐱᒍᒪᓗᑎᑦ ᐅᕗᖓ 1-866-645-3170.

ᑎᓕᓯᓯᒪᒻᒥᔪᒍᑦ ᐃᒻᒥᓅᖓᔪᓕᕆᔨᒥᒃ NDC−ᑯᓐᓂ ᑲᒪᖃᑦᑕᕐᓂᐊᖅᑎᓪᓗᒍ ᐃᓱᒫᓘᑕᐅᔪᓂᒃ, ᐊᐱᖅᑯᑎᓂᒃ ᐅᓐᓂᕐᓘᑎᓂᓪᓘᑎᑦᓴᓐᓃᕕᓪᓘᓐᓃᑦ. ᐃᒻᒥᓅᖓᔪᓕᕆᔨᕗᑦ ᐅᖄᓚᕕᑦᓴᖅ ᓈᓴᐅᑎᒥᒃ ᑕᑉᐱᒃᑲᓂ, ᐅᕝᕙᓗ ᖃᕆᑕᐅᔭᒃᑯᑦ bernie@ndcorp.nu.ca ᐅᕝᕙᓗ ᑎᑎᖅᑲᑎᒍᑦ ᐅᕗᖓ Nunavut Development Corporation, P.O. Box 249, Rankin Inlet NU, X0C-0G0 ᑐᕌᖅᑐᑦ: ᐃᒻᒥᓅᖓᔪᓕᕆᔨᒧᑦ.

MENU