ᐃᖅᑲᓇᐃᔮᒃᓴᑦ
ᓱᓇᑐᐃᓐᓇᓄᑦ ᐃᓱᒪᑕᖅ – ᕿᑎᕐᒥᐅᓂᑦ ᓂᕿᓕᕆᔨᒃᑯᑦ
ᕿᑎᕐᒥᐅᓂᑦ ᓂᕿᓕᕆᔨᒃᑯᑦ ᒐᕙᒪᑐᖃᒃᑯᓐᓄᑦ ᐊᑎᓕᐅᖅᓯᒪᔪᖅ ᐱᓕᕆᕝᕕᒃ ᐃᖃᓗᒃᐱᓕᕆᕝᕕᐅᔪᖅ ᐊᒻᒻᒪᓗ ᐊᑭᓂᒃ-ᐃᓚᓯᕝᕕᐅᔪᓂᑦ. ᑲᒻᐸᓂ ᐃᖃᓗᒃᑑᑦᑎᐊᕐᒦᑦᑐᖅ ᐊᒻᒪᓗ ᐊᑕᐅᑦᑎᒃᑯᑦ ᓇᖕᒥᓂᕆᔭᐅᔪᖅ ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᓐᓄᑦ, ᑲᓇᑕᒥᑦ ᒐᕙᒪᒃᑯᓐᓄᑦ ᑯᐊᐳᕇᓴᐅᔪᖅ ᓄᓇᕗᒻᒥ ᒐᕙᒪᒃᑯᓐᓂᑦ ᐊᒻᒪᓗ ᐃᖃᓗᒃᑑᑦᑎᐊᖅ ᑯᐊᐸᒃᑯᓐᓄᑦ, ᓄᓇᓕᖕᒥᐅᓄᑦ ᐃᓚᒋᔭᐅᔪᓄᑦ-ᓇᖕᒥᓂᕆᔭᐅᔪᖅ.
ᕿᑎᕐᒥᐅᓂᑦ ᓂᕿᓕᕆᕝᕕᒃ ᐱᓕᕆᔨᖃᖅᑐᖅ ᐊᕐᕕᓂᓕᖕᓂᑦ ᐱᓕᕇᓐᓇᐅᔭᖅᑐᓂᒃ ᐊᒻᒪᓗ 15-ᓄᑦ ᑎᑭᖦᖢᒍ ᐅᑭᐅᑉ ᐃᓚᖓᓂᑦ ᐃᖃᓗᒃᓯᐅᖅᑎᓂᒃ.
ᐃᓱᒪᑕᖃᕐᓗᓂ ᕿᑎᕐᒥᐅᓂᑦ ᓂᕿᓕᕆᕝᕕᒃᑯᑦ ᑲᑎᒪᔨᖏᓐᓂᑦ ᐊᒻᒪᓗ ᓇᖕᒥᓂᖅ ᐱᓕᕆᐊᓕᖕᓄᑦ ᐅᖃᐅᔾᔨᔨᒥᑦ – ᐃᖃᓗᒃᑕᐅᔪᓂᒃ ᐊᒻᒪᓗ ᐱᓕᕆᐊᖑᓂᖏᑦ ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᓐᓂᑦ, ᓱᓇᑐᐃᓐᓇᓄᑦ ᐊᐅᓚᑦᑎᔨ ᑲᒪᔭᖃᖃᑦᑕᕐᓂᐊᖅᑐᖅ ᖃᐅᑕᒫᑦ ᐱᓕᕆᓂᐅᔪᓂᑦ.
ᐱᓕᕆᐊᖅᑖᖅᑐᖅ ᐃᖕᒥᓂᒃ-ᐱᒋᐊᕈᒪᓂᖃᕐᓂᐊᖅᑐᖅ ᐊᒻᒪᓗ ᖃᑉᓯᐊᕐᔪᖕᓂᑦ ᐅᑭᐅᓂᑦ ᐊᐅᓚᑦᑎᓂᕐᒧᑦ ᐱᓕᕆᓂᑯᖃᕐᓗᓂ ᐃᖃᓗᓕᕆᓂᕐᒧᑦ/ᓂᕿᓕᕆᓂᕐᒧᑦ ᐊᒻᒪᓗ ᓂᕿᓕᕆᕝᕕᖕᒥᑦ ᐊᐅᓛᖅᑎᑦᑎᓂᕐᓄᑦ. ᐱᔭᒃᓴᐅᑕᐅᔪᓂᒃ ᐃᓚᐅᔪᑦ ᐸᕐᓇᐃᓂᖅ ᐊᒻᒪᓗ ᐋᖅᕿᒃᓱᐃᓂᖅ ᐊᐅᔭᒃᑯᑦ ᐃᖃᓗᓕᕆᓂᕐᒥᑦ; ᑲᒪᒋᓗᒋᑦ ᐃᖃᓗᓕᕆᕝᕕᖕᒥᑦ ᐱᓕᕆᔩᑦ ᐊᒻᒪᓗ ᐊᐅᓛᖅᑎᑦᑎᓃᑦ; ᓂᐅᕕᐊᒃᓴᓂᒃ ᐱᕙᓪᓕᐊᓂᕐᒥᑦ, ᓂᐅᕕᖅᑕᐅᔪᓂᑦ, ᓂᐅᕕᐊᒃᓴᓕᕆᓂᕐᒧᑦ ᐊᒻᒪᓗ ᐊᐅᓪᓚᖅᑎᑦᑎᖃᑦᑕᕐᓂᕐᒧᑦ; ᐱᓕᕆᐊᕆᓗᒋᑦ QMP ᐊᒻᒪᓗ HACCP ᐸᕐᓇᐅᑏᑦ; ᑮᓇᐅᔭᐃᑦ ᒥᒃᓵᓄᑦ ᑎᑎᖅᖃᐅᑎᓄᑦ ᐊᒻᒪᓗ ᐅᓂᑉᑳᓕᐅᕆᓂᕐᒧᑦ ᐋᖅᕿᐅᒪᔪᑦ; ᐊᒻᒪᓗ ᑕᒪᒃᑯᓄᙵ ᐱᔾᔪᑎᖃᖅᑐᓂᒃ ᐱᓕᕆᐊᓂᒃ ᐱᔭᕆᐊᓖᑦ ᑲᑎᒪᔨᓄᑦ. ᓱᓇᑐᐃᓐᓇᓂᒃ ᐊᐅᓚᑦᑎᔨ ᐊᔪᙱᑦᑎᐊᕐᓂᐊᖅᑐᖅ ᐅᖃᕈᖕᓇᕐᓂᕐᒥᒃ ᐊᒻᒪᓗ ᐃᓅᖃᑎᖏᓐᓂᒃ ᐃᓅᖃᑎᖃᑦᑎᐊᕈᖕᓇᕐᓗᓂ ᐊᒻᒪᓗ ᐱᓕᕆᔪᖕᓇᕐᓗᓂ “ᐊᒡᒐᖏᑦ ᐊᑐᕐᓗᒋᑦ” ᐃᖃᓗᓕᕆᔨᓂᒃ. ᖃᕆᑕᐅᔭᓕᕆᔪᖕᓇᕐᓗᓂ ᐊᒻᒪᓗ ᖃᐅᔨᒪᓂᖃᖅᐸᑦ Sage ᓈᓴᐅᓯᕆᔾᔪᑎᓂᒃ ᖃᕆᑕᐅᔭᒧᑦ ᐃᓚᒋᔭᐅᔪᓂᒃ ᐃᑲᔫᑕᐅᓇᔭᖅᑐᖅ.
ᐱᓕᕆᐊᖅᑖᖅᑐᖅ ᐱᓕᕆᔪᒪᓂᐊᖅᑐᖅ ᐊᔾᔨᒌᙱᑦᑐᑦ ᐱᖅᖁᓯᖃᖅᑐᓂᒃ ᐊᒻᒪᓗ ᐃᖃᓗᒃᑑᑦᑎᐊᕐᒧᐊᕐᓂᐊᕐᓗᓂ, ᓄᓇᓕᒃ 1800-ᓗᐊᓂᒃ ᐃᓄᖃᖅᑐᖅ. ᐱᓕᕆᔨᐅᓗᓂ ᐃᒡᓗᒥᒃ ᒪᓂᒪᔪᖃᖅᑐᖅ. ᑮᓇᐅᔭᓕᐊᒃᓴᖓ ᐋᔩᖃᑎᒌᒍᑕᐅᔪᖕᓇᖅᑐᖅ ᐊᑐᕐᓗᒋᑦ ᐊᔪᙱᓐᓂᖏᑦ ᐊᒻᒪᓗ ᐱᓕᕆᓐᓂᑯᒋᓯᒪᔭᖓ.
ᐱᔭᐅᖔᕈᒪᓂᐊᖅᑐᑦ ᓄᓇᑖᖃᑕᐅᓯᒪᔪᑦ. ᐊᐅᓪᓚᖅᑎᓪᓗᒍ ᐃᓕᓐᓂᐊᖅᓯᒪᓂᕐᓄᑦ ᐊᒻᒪᓗ ᐱᓕᕆᓐᓂᑯᖕᓄᑦ ᑎᑎᖅᖃᖅ ᐅᕗᖓ btagalik@ndcorp.nu.ca
ᑭᒡᓕᒋᔭᐅᔪᖅ ᐆᒃᑐᕐᓂᐊᕐᓗᓂ ᖄᖏᐅᑎᓚᐅᖏᓐᓂᖓᓂᑦ ᒪᓐᓃᑦ 14, 2023.
