ᐅᖅᑯᕐᒥᐅᑦ ᓴᓇᐅᒐᓕᐅᕐᕕᖓ

ᓴᓇᐅᒐᓕᐅᕐᕕᖓᐸᖕᓂᖅᑑᑦ, ᓄᓇᕗᑦ

ᐅᖅᑯᕐᒥᐅᑦ ᐱᐅᔪᒻᒪᕆᐅᕗᖅ ᓄᓇᕐᔪᐊᓕᒫᒥᓪᓗ ᖃᐅᔨᒪᔭᐅᓪᓗᓂ ᓴᓇᐅᒐᖅᑕᖃᐅᕐᓂᖓᓄᑦ, ᐸᖕᓂᖅᑑᕐᒦᑦᑐᖅ ᓄᓇᕗᒻᒥ. ᓴᓇᐅᒐᓕᐅᖅᑏᑦ ᑭᓱᓕᐅᕈᓘᔭᓲᓪᓗ ᓄᓇᖃᖅᐳᑦ ᑲᔾᔮᕐᓇᖅᑐᐊᓗᖕᒥᑦ ᕿᑭᖅᑕᓂᒃ ᓄᓇᓕᒃ ᐸᖕᓂᖅᑑᖅ ᓴᖅᑭᔮᖅᑎᑦᑎᒡᓗᑎᒃ ᐊᓯᐅᔨᑦᑕᐃᓕᒪᓪᓗᑎᒡᓗ ᓄᓇᓕᖓᓐᓂ ᐱᖅᑯᓰᑦ ᑲᔪᓯᑦᑎᐊᕐᓂᕐᒥᒡᓗ ᓴᓇᐅᒐᓕᕆᓂᕐᒥᒃ. 1994-ᒥᑦ, ᐅᖅᑯᕐᒥᐅᑦ ᐃᓄᐃᑦ ᓴᓇᐅᒐᓕᐅᖅᑎᑦ ᑲᑐᔾᔨᖃᑎᒌ, ᓄᓇᓕᖓᓂᙶᖅᑐᖅ, ᑮᓇᐅᔭᓄᑦ ᖃᑭᔾᔪᑕᐅᓇᓱᐊᖏᑦᑐᑦ ᓇᖕᒥᓂᕆᔭᐅᔪᖅ ᐃᓄᖕᓄᑦ ᑲᑎᒪᔨᓄᑦ ᓴᖅᑭᑕᐅᓯᒪᓪᓗᓂ, ᐃᑲᔪᖅᑎᖃᖅᖢᓂ ᓄᓇᕗᑦ ᐱᕙᓪᓕᐊᔪᓕᕆᔨᒃᑯᓐᓂ ᓴᖅᑭᑎᑕᐅᓯᒪᕗᖅ ᐅᖅᑯᕐᒥᐅᑦ ᓴᓇᐅᒐᓕᐅᖅᑎᓂᒃ.

ᐅᖅᑯᕐᒥᐅᑦ ᓴᓇᐅᒐᓕᐅᕐᕕᖓ ᐱᑕᖃᓕᓚᐅᖅᐳᖅ ᓴᓇᔭᐅᓪᓗᓂᓗ ᐃᓄᐃᑦ ᓴᓇᐅᒐᓕᐅᖅᑎᓄᑦ. ᐃᒡᓗᖁᑎᖓ ᐅᖅᑯᐊᓃᓐᓂᖓᓄᑦ ᑕᐃᔭᐅᕗᖅ “ᐅᖅᑯᕐᒥᐅᑦ” “ᐅᖅᑯᕐᒥᐅᓄᑦ”. ᐃᒡᓗᖁᑎᖓ ᐱᖁᑎᖃᐅᖅᐳᖅ ᓴᓇᕐᕈᑎᖃᐅᖅᖢᓂᓗ ᐸᖕᓂᖅᑑᑉ ᑎᑎᖅᑐᒐᖅᑎᖏᓐᓅᖓᔪᑦ, ᐸᖕᓂᖅᑑᑉ ᓄᕕᖅᓴᐃᕕᓕᐅᖅᑎᖏᓐᓄᑦ, ᓂᐅᕕᕐᕕᖓᓄᑦ ᑭᓱᓕᐊᕆᔭᐅᕈᓘᔭᖅᓯᒪᔪᓄᑦ ᐊᒡᓚᒡᕕᖃᖅᖢᓂᓗ ᑲᑎᒪᕕᖃᖅᖢᓂᓗ.

ᐅᖅᑯᕐᒥᐅᑦ ᓴᓇᐅᒐᓕᕆᔩᑦ ᓄᕕᖅᓴᖅᓯᒪᔪᓂᒃ ᓲᕐᓗ ᖁᖓᓯᕈᕐᓂᒃ, ᖃᒃᓱᖓᐅᑎᓂᒃ, ᕿᐱᖕᓂᓪᓗ, ᓄᕕᖅᓴᖅᓯᒪᔪᓂᒃ ᓂᒃᓯᒃᑕᖅᓯᒪᔪᓂᒡᓘᓐᓃᑦ ᓄᐃᔭᒐᕐᓂᒃ, ᓇᓴᕐᓂᒃ, ᐳᐊᓗᖕᓂᒃ, ᖁᖓᓯᕈᕐᓂᒃ ᐊᓯᖏᓐᓂᒡᓗ, ᐊᒻᒪᓗ ᑎᑎᖅᑐᒐᖅᓯᒪᔪᓂᒃ ᐅᓄᖏᑦᑐᓂᒃ. ᑖᒃᑯᓇᙵᓕᒫᖅ ᐃᓕᓴᕆᔭᐅᒐᔪᖕᓂᖅᐹᖑᕗᖅ “ᐸᖕᓂᖅᑑᕐᒥ ᓇᓴᓕᐊᖅ” ᖁᖓᓯᕈᖏᓪᓗ ᐳᐊᓗᖏᓪᓗ. ᑖᒃᑯᐊ ᓄᓇᕗᒻᒥ ᓴᓇᔭᐅᑦᑎᐊᕐᓂᖅᐹᖑᖃᑕᐅᔪᑦ ᐊᑐᐃᓐᓇᐅᑎᑕᐅᓲᖑᕗᑦ ᑕᖅᓴᕈᓘᔮᓗᖕᓂᒃ ᐋᖅᑭᒃᓯᒪᓂᖏᓪᓗ ᐅᔾᔨᕆᔭᐅᓂᐊᓪᓚᕆᒃᑐᑦ. ᑎᑎᖅᑐᒐᖏᑦ ᓄᕕᖅᓴᖅᑕᐅᔪᓪᓗ ᐃᓕᓴᕆᔭᐅᓂᖅᐹᖑᖃᑕᐅᕗᑦ ᓴᓇᔭᐅᑦᑎᐊᖅᓯᒪᓂᖏᓐᓄᑦ ᐊᒥᐊᓕᑲᒥᐅᑦ ᑕᑯᔭᒐᖃᕐᕕᒐᓴᖏᓐᓃᑉᐳᑦ ᖃᐅᔨᒪᔭᐅᑦᑎᐊᖅᑐᓂᒃ.

ᑲᒻᐸᓂᐅᔪᖅ ᐃᑲᔪᖃᑦᑕᖅᐳᖅ ᓴᓇᔭᐅᕙᓪᓕᐊᔪᓂᒃ ᓂᐅᕕᖃᑦᑕᖅᖢᑎᒃ ᐃᖅᑲᓇᐃᔭᖅᑎᑦᑎᓂᖓᓄᓪᓗ ᓄᓇᓕᖕᓂᙶᖅᑐᓂᒃ. ᐅᖅᑯᕐᒥᐅᑦ ᐱᓯᒪᑦᑎᐊᕆᕗᑦ ᓂᑲᓇᖅᑐᑦ ᓴᓇᙳᐊᒐᓕᐊᕕᓂᑐᖃᐃᑦ ᐱᖅᑯᓯᖓᓐᓂᒃ ᐃᓕᖅᑯᓯᑐᖃᖓᓐᓂᒡᓗ ᐃᓄᖏᓐᓂᒃ ᑲᖏᖅᑐᐊᓘᑉ. 8,000 ᐅᖓᑖᓂ ᑎᑎᕋᐅᔭᖅᑕᐅᓯᒪᔪᕕᓂᑐᖃᕐᓂᒃ ᓴᖅᑭᔮᖅᑎᑦᑎᔪᓂᒃ ᐃᓄᐃᑦ ᐱᖅᑯᓯᖓᓂᒃ ᐹᖕᓂᖅᑑᒥᐅᑕᕐᓂᒃ. ᑖᒃᑯᐊ ᑎᑎᕋᐅᔭᖅᓯᒪᔪᑦ ᑲᔪᓯᑦᑎᐊᕈᒪᓂᖅᑕᖃᖅᑎᑦᑎᕗᖅ ᓄᕕᖅᓴᖅᑎᓄᑦ ᑎᑎᕋᐅᔭᖅᑎᓄᓪᓗ.

ᐱᖓᓲᔪᖅ ᐃᒡᓗᐃᑦ ᐅᖅᑯᕐᒥᐅᒦᑦᑐᑦ ᐱᕕᒡᔪᐊᖑᕗᑦ ᓴᖅᑭᔮᖅᑎᑦᑎᓂᕐᒧᑦ ᓴᓇᕈᓘᔭᖅᐸᒃᑐᓂ ᓄᓇᕗᒻᒥ ᑮᓇᐅᔭᓕᐅᖅᑎᓂ. ᓄᓇᓕᖓᓪᓗ ᐱᕕᒡᔪᐊᒥ ᑮᓇᐅᔭᓕᐅᖃᑕᐅᓂᖓᓄᑦ ᕿᑭᖅᑕᓂᑦ.

ᐅᖅᑯᕐᒥᐅᑦ ᒪᑐᐃᖓᓲᖑᕗᖅ 9-ᒥᑦ 5-ᒧᑦ ᓇᒡᒐᔾᔭᐅᒥ ᐅᓪᓗᑐᐃᓐᓇᕐᒧᑦ ᐊᒻᒪᓗ ᐃᓂᒃᓴᓕᐅᖅᑎᒪᔪᓄᑦ. ᐃᓂᖃᖅᑎᑦᑎᔪᓐᓇᕆᓪᓗᑕ ᑲᑎᒪᔭᖅᑐᕈᒪᔪᓄᑦ ᐸᖕᓂᖅᑑᕐᒥ. ᐊᐅᔪᐃᑦᑐᖅ ᑐᔪᕐᒥᕕᐅ ᐊᐅᔪᐃᑦᑐᖅ ᒥᕐᖑᐃᖅᓯᕕᒃ ᐳᓛᕆᐊᕐᕕᖓᓄᑦ ᖃᓂᑦᑐᖅ. www.uqqurmiut.com